The Little Prince

The introductory story of the Little Prince ( by Antoine de Saint-Exupéry) where he experiences art and life as society sees it.

This is juxtaposed with our take on Life’s phases of Birth, Creation and Death and shot at the Bring Your Own Film Festival (BYOFF) held every year at Puri, Orissa/ Odisha (India).

[Low Res.]

Sonapani

Arrival at the Film Festival

We first arrived at this place unannounced and almost broke. All we knew was that there was an independent film festival being held there where the directors come along with their movies. We  arrived.

This Himalayan village called Sonapani lies in the middle of nowhere so to speak, but once here we were in the middle of everywhere, so to feel. This place along with its owner Ashish Arora accepted us with arms wide open and we realized something that we hadn’t realized up until that time- Goodness exists.

And what do the men with a movie camera do? 

One of our earliest editing practices resulted in a sort of movie- Sonapani Film Festival. 

Haal-e-Hind

Haal-e-Hind

Mere sawalaat

Kya aisa toh nahi ki sab kuch ek saath ho raha ho aur humein tukdon mein dikhta hai.

Baari baari.

Khabrein chal rahi hain bahar. Sunin. Dekhi bhi. Alag alag channalon par. TV ke channel. News ab entertainment ban chuki hain. Har badalte channel…. (bahut shor hai bahar)……par alag alag log ek news reader/reporter/moderator ke saath baithe hain. Har channel par ek paqsh ko prastut karta ek baashinda baitha hai. Koun hain yeh log? Sab alag hain ek doosre se kya?

Har channel ka apna ek andaz-e- bayaan hai. Koi maali halaaton ke bigadne ke darr se ghabraya hai, toh koi aag failne ke darr se. Koi daboopan ke kaaran toh koi bahaduri ke jhhoote ufaan ke kaaran. Sab ghabraye hue se hain.

Kya aisa toh nahi ki yeh sab ho hi nahi raha? Kya aisa toh nahi ki yeh ho raha ho? Kya aisa toh nahi ki yeh sab karwaya jar aha ho? Kya aisa toh nahi ki yeh sab dikhaane ke liye kiya ja raha ho?

Har channel jinmein alag alag log hain, kuchh alag footage dikhata hai. Har channel apni sahuliyaton ke lehaz se unhi tasveeron/ videos ka istemaal kar raha hai, jo baat usey kehni ho. Computer se bane lal chakr jo unhone uskey chehre par dal rakha hai, usko gaur se dekhne par majboor karta hua ek laal arrow bhi hai. Is se aapka dhyaan jo dikhaya ja raha hai, us par kendrit ho jaata hai. Aur jab aankhein kendrit ho jaati hain toh kaanon ki majaal ki who kuchh aur sunein?

Yeh shaqs jiske chehre par chakr kendrit hai, uske bare mein humein sab bata diya jaata hai. Uske gharwalon se bhi interview le liya jaata hai, jo usey apraadh saabit hone par ghar se bedhakal kar denge. Sab apne apne faisle mann mein bana lenge. Kuchh log unhein suna bhi denge.

Main aqsar khayaalon mein kho jaata hoon. Bachpan mein isi baat par gussa ho jaate the log mujhse ki main unki baat par dhyaan nahi de raha. Ab bhi yahi hota hai shayad. Maine kabhi dhyaan nahi diya.

Mera dhyaan us chakr se hatt jaata hai. Yeh aur log koun hain us bheed mein? Yeh kisne naqaab daala hua hai? Ajeeb baat hai na ki jinke chehre humein dikhte hain unhein hum chakr mein jakkad lete hain aur dekhte nahi woh chehre, jinke bare mein humein kuchh nahi pata, jo wahin hain, us bheed mein, shayad jo jaante hain kuch aur jo hum nahi jaante.

Wahin doosri aur. Doosre waqt par. Prime Time hai yeh shayad. Ek aur bheed. Beqabu.

Jala rahe hain yeh jo bhi mil raha hai inhe raaston par. Busein, Train, Station, School, Ghar, Gaadiyaan. Suna hai kuchh log bhi marr gaye.

Naye alag alag chehre phir se. Alag channelon par alag log. Ek dum waise hi, har paqsh ko represent karte hue. Kuchh bhadke hue, kuchh shaant. Wahi sawaal aatein hai dimaag mein mere. Kuchh aur bhi aate hain jaise yeh koun hain jo itne hinsak ho gaye achanak? Kya yeh achanak hua ya hota aa raha hai? Kya koi chingari lagi? Kisne lagayi? Kyun lagayi?

Yeh koun log hain jinki gaadiyan jala di gayi? Yeh koun log hain jinke gharon-dukaanon par humle kiye gaye. Randomness ke shikaar hue ya Planning ke?

Dange chhid gaye hain. Soch mein.

Jab kuch waqt beet jayega aur in sab baaton ki baat hogi tab kuch logon ke liye yeh jaat- paat ki ladayi ke kisse honge. Terrorism shabd ka bhi khoob istemaal hoga. Kisi ke liye yeh youth aur ideology ke revolution ki neev banega. Kuchh log jo ab job switch kar chuke hain, unke liye socio-economic crisis ki case study hogi. Aur kuch log aur marr chuke honge.

Aur Media chalu rahega.